Etter godt og vel 12 års arbeid fekk eg høve til å forsvare avhandlinga mi «Frå mat til merkevare – Christian Johnsens klippfiskhandel i peioden kring 1850 – 1890». Avhandlinga kan lesast her.
Disputasen, samt to prøveforelseingar, fann stad ved NTNU den 25. og 26. april 2024, under leiing av professor Karl Erik Haug, institutt for moderne samfunnshistorie. Kommiteen sitt arbeide var leia av professor Pål Thonstad Sandvik, frå institutt for moderne samfunnshisorie. Opponentane var Dr. Per Hallén, Gøteborgs Universitet, og førsteamanuensis, Kristin Ranestad frå Universitetet i Oslo.
Avhandlinga skildrar klippfiskeksporten frå Noreg til ein global marknad i 1800-åra. I avhandlinga undersøker eg korleis Christian Johnsen koordinerte prosessar i ulike ledd i produksjon og eksport av klippfisk. Eg studerer avsetjinga i marknaden, og avhandlinga gir innsikt i vilkår for den globale handelen med klippfisk. Norsk klippfisk vart i ein periode leiande i marknaden, og i avhandlinga viser eg korleis Johnsen skapte fordelar for eksport av norsk klippfisk, og drøftar i kva grad aktøren bidrog til vekst i eksporthandelen med klippfisk.
Under kan de sjå nokre minne frå disputasen og feiringa:
